雲實春江鴨大舉掃貨

1/3/2010
雲實春江鴨大舉掃貨

雲 南實業（0455）（簡稱：雲實）係雲南省嘅窗口公司。截至2009年9月底止，雲實嘅中期業績純利激增56.8倍，至854萬元左右，每股盈利為 0.91仙，業務呈現大翻身嘅苗頭，而期內公司並無負債，銀行存款則高達1.42億元，折合每股淨現金高達15仙，此乃靚殼之中嘅龍頭，加上佢有紅籌股嘅 身份地位，所以股價有條件大炒特炒，就算冇升到1997年度嘅3.8元高位咁癲，估計呢鋪亦有力炒至2007年度嘅1.7元高位。
喺2009年11月7日，雲南實業單日急升至1.2元最高位，全日交投量達6,144萬股，涉及總成交金額為5,323萬元，每股平均成本為86.6仙，即係話春江鴨嘅持貨成本為86.6仙，現價比佢哋低，所以值博率比春江鴨更吸引。

出售業務騰出空間

喺 業務方面，雲實依家：1）持有雲南盟生藥業及深圳討鵬生物工程；2）持有捲煙盒包裝印刷業務，上半年為佢帶來約519萬元溢利；3）持有廣東省珠海市香洲 銀坑港灣大道西南嘅一幅土地，總地盤面積約2.5萬多平方米，依家尚未開發，但已升值咗好多；4）持有礦產能源核心業務。因為地產及捲煙盒包裝印刷業務並 唔係公司嘅主業，所以喺中資企業重組熱潮下，雲實應會將地產及捲煙盒包裝印刷業務善價而沽，然後騰出更大空間來發展核心業務，對股價刺激性好大。
礦 產能源係雲實嘅核心業務，目前公司持有位於雲南省東川區新橋銅多金屬礦、及會澤縣雙石頭郗家村鉛鋅礦嘅探礦權，勘查面積分別為7.7平方公里及45.5平 方公里，而早前東川區新橋銅多金屬礦礦權區仲發現咗新資源，此乃經濟價值好高嘅磷礦床，即係化肥資源。依家，管理層希望引入大型礦業公司入股，共同開採兩 呢個礦。另外，公司一方面喺度向政府申請多個採礦權，另一方面則會透過收購兼併手段，獲得更多礦產能源，壯大礦產資源業務，使其成為業務增長動力。

母擁龐大礦產資源

雲 實由天大集團、紅塔集團分別持有50.86%及22.99%股權，根據年度披露，好明顯母公司係將雲實定位為礦產資源旗艦。現在，母公司之天大集團持有大 量礦產資源，分別為：1）兩個澳洲鐵礦，西澳大利亞Ellarine Hills鐵礦及北嶺地Roper River鐵礦；2）4個位於雲南省的基本金屬礦；3）一個位於甘肅省的大型金礦；4）一個位於雲南省的磷礦；5）位於中國及澳洲多個煤礦、石油及天然氣 項目；6）高達16個澳洲大型鈾礦，總開採面積達5,200平方公里，按規劃，估計未來母公司將會把上述資產注入其內，使雲南實業變成超級資源股龍頭。 信曉飛

彩虹唯一受惠勢暴升

彩虹唯一受惠勢暴升 19/01/2010

玻 璃基板係生產平板顯示器（例如LCD）嘅最上游原料，亦係面板製程嘅最重要關鍵材料之一，冇咗玻璃基板，就冇辦法生產平板顯示器，所以玻璃基板被視為平板 顯示器嘅心臟。雖然中國係全球最大嘅平板顯示器生產基地，產品廣泛應用係筆記本電腦、電視、液晶體顯示器、便攜式訊息終端（主要係PDA及手機）身上，但 係有能力生產玻璃基板呢個最重要嘅心臟產品，就只係彩虹電子（0438）一家，係平板顯示器產業鏈之中，彩虹電子真係非常架勢。
截至2008年底止，彩虹嘅每股資產帳面淨值係1.22元，依家股價只係較每股資產淨值折讓25%，屬於嚴重大落後嘅股份，按同業市帳率計算，彩虹嘅股價最少都值3倍市帳率，折合每股值3.66元。
目 前，全球只有五間企業能夠生產玻璃基板，佢哋分別係康寧（Corning）、旭硝子（Asahi Glass）、日本電氣硝子（NEG）和板硝子（Nippon Sheet Glass;NSG）、板保科技玻璃公司（NH Technoglass;NHT）、同埋中國嘅彩虹電子，好明顯彩虹電子係中國唯一一家玻璃基板生產商，亦係中國平板顯示器行業嘅最上游企業，合理股價表 現係要跑贏其他同業。

中國唯一生產商

可惜因為市場唔熟呢個行業，所以彩 虹電子嘅股價長期被市場所忽略，相反下游生產企業如TCL多媒體（1070）、創維（0761）、海爾（1169）及科龍（0921）等，過去一年股價累 計升幅卻有5至10倍不等。係咁唔合理嘅情況下，相信炒TCL多媒體、創維、海爾及科龍嘅專業投資者，未來將會把焦點放係最上游企業之彩虹電子身上，所以 彩虹電子嘅股價有條件升至5至10蚊不等，而按極保守角度來秤，估計第一個目標係3.66元，破位後應會一級級咁反覆上升。

家電下鄉谷需求

目 前，內地主要口嘅電視機生產商，包括TCL多媒體、創維、內地上市嘅康佳、長虹和海信，都係彩虹電子嘅主要客戶，係家電下鄉政策推動下，呢個行業增長仍然 好勁。根據《中國電子報》報道，依家內地玻璃基板處於供不應求局面，所以彩虹電子嘅產品會有好大加價空間，未來盈利好值得憧憬，而母公司嘅重組注資空間， 亦會為股價增添上升動力。 信曉飛

珠船料重返九七高位

珠船料重返九七高位 23/01/2010

絕 大多數投資者、甚至乎係基金經理都以為珠江船務（0560，簡稱：珠船）嘅業務係好地區性，而且母公司係珠海市政府，背景同埋實力唔夠其他省級窗口公司咁 勁抽，所以對珠船嘅股份缺乏興趣。無可否認，呢個想法係天大嘅誤會。珠船嘅真正母公司係珠海船務分業集團，而佢嘅直屬母公司係廣東省航運集團，即係話珠船 嘅最終母公司係廣東省航運集團先至係㗎。

後台為粵省航運集團

根 據資料顯示，廣東省航運集團係廣東省內最大嘅航運龍頭企業和全省7家物流龍頭企業之一，依家隸屬於廣東省國資委旗下嘅省屬大型企業之一，佢經營航運業務已 有四十多年嘅歷史，GNG同埋CKS品牌係粵港澳航運界享有好高知名度，依家集團旗下嘅子公司有102家，擁有船舶總運力123艘，集裝箱拖車共250 部，喺珠江三角洲經營24個港口，喺香港亦有一個可停泊兩艘2,000噸級船舶嘅專用貨運碼頭，中標經營香港機場客、貨運碼頭公司裝卸區18個泊位，業務 規模非常龐大，而珠船作為廣東省航運集團嘅海外上市旗艦，估計母公司會因應國家政策，喺2010年度進行大型重組，而珠船應可承接母公司嘅龐大注資，對股 價構成嘅刺激程度真係唔可以睇小㗎。
目前，珠船擁有珠江三角洲地區超過10個內河碼頭25%至99%不等嘅權益，分布珠江三角洲重要城市，公司屬 於珠江三角洲地區最具實力嘅運營者，業務質素好好。截至2009年6月底止，珠船嘅每股資產淨值為2.05元，擁有現金及銀行結餘為5.76億元，相當於 每股64仙。按尋日收市價計，珠船整間公司總市值僅12.5億元，與公司嘅18.45億元帳面資產淨值低好多，所以股價係極之抵買。

下一步料注4碼頭

喺 今年7月，珠船主席表示，公司爭取獲得南沙港，並希望取得母公司持有嘅蓮花、珠江斗門、中山貨運及順德呢4個碼頭。喺2009年12月，珠船已率先取得南 沙港碼頭權益，相信下一步就係獲母公司注入上述提及嘅4個碼頭項目。更重要嘅係，母公司之廣東省航運集團會因應國策於2010年底前進行重組，並落實將資 產上市，所以珠船作為母公司上市旗艦，估計會獲注規模龐大嘅資產，參考其他注資，母公司都係換取股票計算，相信廣東省航運集團向珠船注資一樣係收取新股， 而每股作價亦唔會低於2.05元嘅每股資產帳面淨值，所以珠船未來股價藉着注資憧憬，股價重返1997年5月嘅5.34元，一啲都唔出奇。 信曉飛

深航注資推動大翻身 15/01/2010 $2.82

國 策今年全力推動軟件業及農業，而正在積極重組嘅中航集團，亦正將各瓣業務分配到旗下上市公司之內，其中最受忽略者，就係同兼電子及化肥業務於一身嘅深圳中 航集團（0161、下簡稱深航）。這股份近期的股價，在成交遞增配合下正逐步從後趕上，但以雙翼齊飛嘅當打概念去秤，深航目標冇5至6皮都唔收得科也。
深 航去年中期在大撥備及步入行業低潮下步入谷底，但下半年業績肯定大好轉，今年更應順利扭虧為盈，皆因3大主打業務都食正今年國策所趨，集團手持經營鐘錶製 造業嘅飛亞達（深：000026）45.7%股權、及經營液晶體業務嘅天馬（深： 000050）42.28%A股股權，而天馬近期更完成咗近9億元（人民幣．下同）嘅注資重組行動，將深航本身及其他注資財團嘅液晶體業務注入其內，而深 航則收取天馬新股作為代價，而天馬及飛亞達A股股價去年至今都大升特升，令深航帳面大贏特贏。

內含價值最少6元

深航另一主業則係化肥業，集團於2007年初以5.23億元，向母公司等購入中航三鉀95%股權，其後再於2008年底以1.25億元，增持5%至100%股權。換言之，中航三鉀總市值在不足一年間，已由5.5億大升至25億元。
中 航三鉀主要控制青海鉀礦，蘊藏量達5,500萬噸，2008年已為深圳中航帶來5.5億元營業額及2.05億元稅後盈利。另外，深航早於2002年入股嘅 雲南70%禾祁集團，舊年中亦成功獲雲南省政府批准，將磷礦開採區由1.9平方里增至2.46方里，估計磷礦蘊藏量達 2,655萬噸，呢兩大鉀磷礦務已成深航未來主打項目。單係中航三鉀已值每股近3元（港元．下同），計埋本身資產值及A股升值，深航內含價值最少達6至7 元。

分分鐘爆升至高位

從另一角度去睇，截至去年6月止，深航每股資產淨值為2.68元，而近期熱炒嘅電子消費及液晶體股份市帳率，已升至近1.5倍水平，另化肥股市帳率更漲至近2.5倍，中間落墨，可以兩倍市帳率去秤深航應有身價，即係每股為5.36元是也。
至 於圖表方面，深航亦勢破舊年中高位2.9元。該股在2007年9月時，曾在注資重組概念及猛人入場下推高到8.65元，有咁好嘅業務基礎，再配合埋今年完 全食正推動內需及農業發展國策，相信母公司中航集團亦會把握機會，將所有相關業務注入其內，目標分分鐘可以去到更高的價位。信曉飛

首科「大時代」快揭幕

首科「大時代」快揭幕 $0.6

近 期首長科技（0521）股價表現欠奉，市場以為首科是一條草，事實卻是一塊寶，日後股價隨時以倍數上升，不妨趁低掃貨，說不定會大有斬獲。其實，買任何一 隻股票，最重要是緊盯大戶部署，若大戶早已進場，那隻股份應差不到哪裏，一旦大戶出手，股價立即起飛，好像之前推介的北京發展（0154），散戶以為好難 玩，股價一直按兵不動，詎料大戶暗中收集，收夠籌便出手，之後股價就升不停。
現在另一個機會來臨，首長科技跟北京發展一樣，股價長期呆滯，但只要細心觀察，當其發力向上時，沽盤便排山倒海，擺明是收貨格。

部署分拆智能訊息業務

再 睇遠一點，首長科技股價在今年5月至今，一直在0.5至0.7元間上落，耐性欠奉的投資者，早已沽貨離場，因為大戶自5月收貨至今，已收集了足足半年，真 正街貨應該少之又少，股價上升時，沽盤一球球掛出來，但好多時都只是靠嚇，只因不想散戶入場打亂他們陣腳。因首長科技街貨接近收乾，所以股價一升就捉都捉 不住，若發現球球聲的沽盤，即掃不用手軟，加上這個價位正正是其每股資產淨值的水平，即使公司執笠都不需輸錢，股價一旦炒，真的令人不能入睡，因為驚贏得 少及後悔未有在低位重錘掃貨。
現時，首長科技已找到兩項朝陽業務，分別是發展潛力巨大的中國數碼電視業務；以及積極發展智能業務，主要針對移動通 訊基站或機房能源的高耗量，向其提供一系列節能產品，項目已申請批文，相信未來可為公司帶來可觀回報。單是數碼電視業務發展，首長科技去年夥拍中國南方銀 視，發展中國數碼電視地方項目，而南方銀視將持有該項目51%股權，首長科技則持有餘下的49%股權，料該數碼電視業務的目標客戶可覆蓋廣東省13個地 區，六十多個市及區，目標是爭取建成擁有1,000萬有線電視用戶的多媒體綜合服務運營平台，單是大客戶基礎估值，已值數十億元，加上公司去年洽商引入一 歐美數碼電視生產商為策略投資者，並計劃在未來2至3年，分拆智能訊息業務上市，部署進取積極。

淡馬錫李嘉誠俱為股東

首 長科技總市值僅約13億元，分拆規模這樣大的業務上市，公司市值有機會跳升至50至100億元，屆時股價可以值幾蚊。現時，新加波淡馬錫、李嘉誠基金、意 大利基金之Carlo Tassara國際、鄧普頓基金、公司執行董事周哲及蒙建強，全部持重貨，獲眾多猛人捧場的首長科技，距離大時代不遠矣。
信曉飛

中國軟件第一站1.8元

中國軟件第一站1.8元

根 據日前內地報章報道，國家發改委同埋工信部等於2009年1月8日聯合發布2009年度國家規劃布局內重點軟件名單，總共有186家軟件企業榜上有名，而 涉及上市公司之軟件企業只有三十餘家，中國軟件（0354）是其中之一。按照政策，係名單內這批軟件公司可以享受10%所得稅率，而受到國家稅務優惠政策 刺激，昨日好多軟件概念股之股價都大幅飆升，但是獲得稅務優惠之中國軟件，股價偏偏未有反應，連上星期五之高位都未有升破，表現嚴重落後，股份投資價值甚 高。當市場察覺到中國軟件係稅務優惠政策之真命天子時，到時候股價將會大升特升，追都追唔到，趁現在股價未大升時，買部份貨底，將來應該可以大贏特贏。而 且，根據中國證券報同時指出，短期會有更多軟件行業之新政策出台，以落實內地政策文件中其他優惠政策的延續，如軟件產業3%增值稅優惠稅率或將在2010 年繼續執行，在甚多利好消息刺激下，中國軟件之股份將會變得越來越熱，股價應該會升到難以置信之地步，不妨先以市帳率兩倍之1.8元為第一站，最終目標可 能達數元水平。

兩外資股東背景強

中 國軟件另一個重要賣點，是其兩大外資策略股東。早於2005年底，IFC同微軟（IBM）共認購咗中國軟件總值3,500萬美元可換股優先股，其中IFC 共認購2,000萬美元，而微軟則認購1,500萬美元，當時已先完成第一期認購，雙方各自先購入1,000萬美元優先股，這批優先股可以每股0.8元兌 為新股，即各可共兌近2億新股，為期6年，即於明年底到期，但至今仍未正式兌換。至於第二期，IFC則可再認購多1,000萬美元，及微軟可認購多500 萬美元優先股。眾所周知，IBM是科技界之一哥，承諾入股，則此間公司之科技水平肯定係非常之高，而中國軟件獲IBM垂青，公司質素完全不用懷疑。
另 外，IFC係專門扶持優質及好有前途之小型股，例如數年前入股新奧燃氣（2688）以及中國燃氣（0384），現在之投資回報已有數倍多，而中國軟件同樣 獲得IFC入股，入股價又同樣是係80仙，假設IFC投資回報是兩倍，中國軟件目標價可睇2.4元，如果是3倍，股價就可以睇3.2元。有了IFC同埋 IBM入股，中國軟件之股價中長線大大樂觀，現在入市買貨，作中長線投資，實在是理想之選擇。信曉飛

港佳升級變身可期

港佳升級變身可期

今 年國家主推嘅內需政策，令一眾百貨零售股展翅高飛，而未來極具成長及變身空間嘅港佳控股（0605），就有條件成為一支後上奇兵，一來上海市已掀超市併購 戰，而港佳亦牽涉其中，埋下大變身商機；其次則係集團本身已部署積極擴張計劃，單以正常增店速度計算，今年盈利應可增至6,000萬元。以追番同類股21 倍市盈率推算，港佳合理價已值0.73元，何況集團每股資產淨值高達0.418元，點計都有權飛升也。
港佳在1997年開始已踏足內地零售市場， 並在1998年取得上海大型超市華聯集團吉買盛購物中心40%股權，2008年初再增持吉買盛20%至60%股權。現於上海及北京經營超市及便利店，至今 便利店總數已增至近180間，而今年及2011年目標分別增250至350間，並希望最終目標增至500家以上水平。
舊年上半年，集團業績已相當 唔錯，營收10.5億元，盈利1,870萬元，集團證實旗下大賣場業務1至10月份營業額約14億元，而便利店首10個月累計營業額約1億元，其中大賣場 在11月完成改裝後，單店日銷額已由過往20萬至30萬人民幣大升至逾100萬元人民幣，而非假日銷售亦升至50萬至60萬人民幣，可見下半年業績繼續大 大轉好。

或成聯華超市兼併對象

港佳仍然積極擴展業務，早前剛透過吉買盛 與百聯集團訂立意向書，可以近5億人仔優先購入上海信盟旗下逾150間零售店，其中上海佔逾100間，若然成事，港佳零售規模可增近倍。值得留意者，係另 一同業聯華超市（0980）舊年底斥資4.92億元人仔向百聯收購華聯超市股權，而百聯又係吉買盛另外40%持股人，所以港佳其實亦間接牽涉百聯集團嘅大 型重組計劃之中，未來可以有好多發展路線，其一係將百聯餘下所有零售網絡收購旗下，其次則更可能成為聯華超市等同業龍頭嘅兼併對象，而無論邊個角度去睇， 都係對港佳大有刺激作用。
唔好計百貨業兼併潮，單計今年港佳擴張後嘅分店數目，港佳今年錄得30億元營業額應冇難度，以2%純利率計，折合盈利已 達6,000萬元，即係每股3.5仙，以華聯今年預測市盈率達21倍計算，港佳最保守身價係0.73元。再講，港佳大股東ARC資本集團在2008年初已 將手持港佳可換股債券，按每股0.32元全數兌為2.91億新股，持股比重增至16.8%，另Keywise大中華基金亦曾以每股0.38元入股1.3億 新股、及中信集團曾透過中信資本以每股0.405元入股8,600萬新股，呢3大策略股東都具雄厚背景，現價0.395元又點會合佢哋胃口？信曉飛