慶鈴力追合理估值

11/01/2010
慶鈴力追合理估值

汽 車股熱炒，但慶鈴汽車（1122）股價至今竟然仍較每股資產淨值折讓達33%，好彩近幾個月走勢已開始慢慢校正，技術形態漸漸變好，表現同另一隻爆升股第 一拖拉（0038）在大升前好相似，所以應該跟得過，就以3.16元作第一個目標，已有逾50%上望空間，何況慶鈴手上持有達58億元淨現金，單係呢舊大 茄殊，已相當於每股2.34元，即係餘下業務一文不值，邊有呢個道理也？
舊年中期，慶鈴營業額19億元人仔，略增5.5%，純利增長11.5%至1.03億人仔，其中銷售成本降24.8%或5,281萬人仔，來自輕型商用車溢利，雖倒退31%至5,139萬人仔，但「多功能汽車」、「皮卡車」及「中型與重型車」數個核心業務部份溢利則見增長。
自從UBS於舊年5月刻意將持股量降至4.99%水平開始，慶鈴升浪就正式展開，其後進入長期調整，近期再展新升浪，睇勢再闖新高可期，逐步向住2.51元前高位推進。
慶 鈴於1994年中以每股2.07元招股上市，於2002年初，由於一批包括日本五十鈴在內嘅外資財團將換股債券兌為新H股，令母公司慶鈴集團持股量跌至低 於50%水平，所以後者就毅然運用附帶權利，以每股3.17元將債券兌為內資新股，令其所持內資股數增至12.44億股，控股權剛提高到50.1%絕對控 制水平。其後，策略股東日本五十鈴則在2005年中向H股股東提出部份收購建議，以每股1.92元增持3.25億H股，令所持H股數增至4.96億股，佔 總股本兩成，亦係外資可持極限水平，換言之，大股東嘅每股成本高達3.17元、而現價亦只較五十鈴增持價高出少許，無論邊個角度都係正斗也。多喜析骰