鴻隆積極重振雄風

新報 - 2010年1月5日

http://www.hkdailynews.com.hk/finance.php?id=79897

鴻隆積極重振雄風

近期內房股受壓於政策憂慮，但有一隻則偏偏在呢個時候創年來新高，此為近排動作多多鴻隆控股（1383）是也，呢隻以廣州為基地內房股，除舊年業績預期大躍進外，近期悄然引入建行（0939）等實力投資者之動作，更埋下股價急升伏線。
鴻 隆近期以積極態度解決財壓問題，先以近40%折讓價向債券持有人提出回購要約，最終獲81%金額、即共6,600萬美元持債人同意，而鴻隆亦瞬即搵建行 安排借入4,000萬美元信貸票據去完成回購要約，代價係向建行旗下建銀國際資產發行8,000萬股新股，每股作價0.95元，令建行變相成為鴻隆持 股7.5%之第二大股東。更微妙者，就係鴻隆大股東除已將手上近55%鴻隆股份抵押予建行外，仲賦予建銀認沽權，由建銀在他日可以每股1.5元訂價，將股 份沽番畀鴻隆大股東。咁誠意安排，足見大股東對信心前景十足。
此外，鴻隆近期再以每股0.95元作價，向金寶投資定向發售2,500萬股新股， 金寶側聞來頭甚猛，但幕後作風頗低調，現於中港物業市場擁巨大投資，今次認股款項2,375萬元對佢來講只係濕濕碎，應係另有大後伏線。而事實上，鴻 隆亦在近期委任前深控（0604）執董張宜均擔任其副主席兼執董一職，絕對係有心力振昔日雄風另一佐證。張氏現手持1,150萬股鴻隆股份，在公在 私，都會界心機打好呢份工也。
鴻隆有建行做後台，身價非同小可，長線應有條件上望歷史高點3.83元，短線則可先以1.9元為首站。多喜析骰