亞能騰升空間巨大

14/01/2010 $0.191
亞能騰升空間巨大

亞 洲能源物流（0351、下簡稱亞能）股份停牌近月後，周初復牌宣布再由大有來頭嘅策略股東……朱共山注入煤礦物流項目權益，令朱氏持股進一步增至 17.3%水平，逐步邁向未來成為朱氏煤業上市旗艦嘅重要部署，以朱氏家陣名下嘅保利協鑫能源（3800）市值高達360億元衡量，亞能刻下只有23億元 嘅市值，無疑蘊藏巨大升值空間，股價一旦突破0.2元水平，勢可掀起上升巨浪。
朱共山兩度注資入股
朱氏已係短短個多月以來兩度注資入股亞 能，佢剛於11月底將中鐵物流30%股權注入亞能，並收取10億新股作代價；而今次則再將一家煤業船舶物流公司50%股權注入亞能，注資代價1.6億元； 亦以每股0.16元收取另10億新股作價，兩單注資完成後，朱氏持股量就會增至21.18億股，佔擴股後17.3%，而原大股東放股權則會進一步攤薄至 34.7%水平。好明顯，亞能正逐步以注資方式晉身為朱氏及協鑫嘅煤業上市旗艦！
今次注入嘅合營物流項目，將以8.9億元購入4艘運煤船隻，單係 做亞能本身嘅運煤物流已不愁生意，而朱氏亦已保證，呢項權益在正式運營起計嘅12個月（最遲2011年）內，將可為亞能帶來不少於2,000萬元純利，即 係注資市盈率只係8倍，完全食正近期剛起動之航運大復興形勢。亞能正全速發展中鐵物流，後者佔62.5%股權嘅遵小鐵路，已獲中國東方（0581）簽下每 年運費達1.2億至3.6億人仔嘅運輸訂單，連呢個超級鋼企亦都幫襯亞能，可見遵小鐵路真係發揮到貫通河北省南北兩面樞紐角色嘅重大作用，加埋朱氏嘅注資 效應，前途真係無可限量！
多喜析骰